嘩!真係嚇Q死!本虫尋日返到壹全霉,竟然見到十級地震嘅震撼畫面,就係平時懶到出油出水出汁嗰班打壞,全部聚精會神埋頭苦幹,見到此情此景,少膽虫我可以唔感動咩?壹全霉衰咗咁耐,終於捱到班細嘅生性,《爛果》有希望喇……

正當本虫沉醉喺淫媒當自強嘅美夢,一聲「X街」將我驚醒,接下來就係肥豪陣陣咒罵:「又訂唔到?呢個死人網同壹全霉一樣咁衰,真係hi auntie……」我鬼鬼祟祟走去肥豪身後,一睇真係火都嚟,原來條友唔係作緊新聞,而係上網訂「唉瘋」!本虫再望吓四周,一個二個原來都喺度訂機,作為腦腫點會唔激死?本虫再忍唔到落去,一腳將肥豪伸落地再吐口水,就喺呢刻,竟然,竟然有人夠膽偷襲本虫,喺背後伸我一腳?

「係我淫賤黎order訂機嘅!你咪喺度阻住晒!作新聞出《爛果》有錢賺咩?蝕死就有份!炒「唉瘋」先體現到香港人炒炒賣賣嘅精神,你識條葱咩!」結果,整個編採部門全日淨係掛住訂「唉瘋」,出版《爛果》就交咗畀清潔阿姐處理。

第一手消息請下載on.cc東網iPhone/iPad/Android/Windows Phone Apps