一屋難求，市民排隊上樓自覺遙遙無期，而運房局局長炳炳仲話政府沒有「點地成屋」的魔術棒，籲社會有耐性等待劃土建屋的成效，市民知道梗係扯火，去搵炳炳理論。

市民：等咗三年喇，仲未上到樓呀！

炳炳：冇計啦，我都冇點地成屋魔術棒！

市民：仲想賴冇棒？

炳炳：係冇就冇，不如畀少少耐性，等吓好過啦！

市民：你冇呀嘛，咁我畀支棒你！

炳炳：好呀……哎吔，做乜事打我？

市民：你話冇棒呀嘛，我依家咪畀棒你囉，不過係要棒打你呀！打呀！

炳炳：^#$&%@*!!!年輕人冇耐性係唔得o架！

第一手消息請下載on.cc東網iPhone/iPad/Android/Windows Phone Apps