城中鏡：王敏德Dream House 要泊直升機
香港人最睇重一層樓，唔同嘅人，渴望嘅住宅都好唔同，王敏德（Michael）同馬詩慧（Janet）出席一個樓盤活動時，Michael講到佢嘅夢想家居，佢話：「要有直升機場。（最好）買最頂樓，要連埋送直升機。然後，有埋高爾夫球場，一定好舒服。」
王敏德（右）理想家居要可以泊直升機，旁為其妻馬詩慧。
講到父母係咪要幫子女買樓時，Janet就好有意見：「點解要幫仔女買？佢哋有能力賺錢自己買，仲可以買埋畀我哋。」而Michael則說：「都希望佢哋除咗香港，喺第二度都有屋，唔使住酒店。」而佢哋喺美國已經有一間，至於內地，佢就話：「上海，自己搞嘅品牌，11月會喺香港推出，12月會喺上海推出。」
