青年學子講罷課，行政會議成員李國章前日出席電台節目時，討論到政改同學生罷課議題時，佢形容泛民主派扭計，杯葛政改第二輪諮詢嘅行為，就好似啲奀皮細路哥咁，仲讚佢哋（舌累）地「都幾可愛」！不過，佢嘅言論就惹來一啲爭議，有人嫌佢講得太過，亦有人嫌佢形容得唔夠盡。

「愛港行動」召集人陳淨心尋日就喺佢嘅社交網站上貼文，似乎覺得李國章過於輕描淡寫喇，陳淨心話，泛民唔止係奀皮細路哥咁簡單，仲認為對方嘅行動係因為收咗壹傳媒肥佬黎大量政治捐款，要幫外國反中亂港，幫外國勢力在港奪權，所以，陳認為，佢哋全部都係漢奸賣國賊喎！

第一手消息請下載on.cc東網iPhone/iPad/Android/Windows Phone Apps