政壇：Equinix數據中心每月電費百萬美元

Equinix香港區董事總經理譚永耀（Alex）話，數據中心入面有過百部閉路電視，二十四小時有專人監視，每道門都要用智能卡出入，而且做得數據中心絕對要低調，所以大廈外牆就連標誌都唔會有。

不過，佢哋外形雖然冇乜特別，但就夠晒內涵，譬如呢個數據中心淨係用電量就已經好大「貢獻」，由於中心要內冷卻伺服器同供電，而且二十四小時運作，所以個個月交超過一百萬美元電費，張電費單真係嚇死人。除咗用電外，數據中心由興建、請員工、日常維修、以至高層員工住屋同子女讀書，瓣瓣都牽動經濟環節。

話時話，Google曾經大鑼大鼓，喺將軍澳起數據中心，地都攞埋，好多人都話可以帶動香港發展成亞太區數據中心樞紐，最終舊年又話唔玩喇，難怪好多人好失望。