滬港通係港交所嘅重頭戲,總裁李小加為咗個計劃,將飛去台灣做宣傳,但近期坑渠油事件搞到台灣同香港都滿城風雨,進食都心驚驚,李小加今次去台灣會唔會冇啖好食呢?

李小加

港交所已經證實咗小加去台灣件事,呢個星期會去當地參加一個研討會,仲會禮節拜訪台灣證交所同結算所。事前冇對外界透露雙方會傾啲乜,但係人都估會傾到依家如火如荼嘅滬港通啦。其實小加「親征」之前,都派咗先鋒出馬,港交所人員呢幾日已經到咗台灣見各大券商,講解滬港通運作模式同埋交易實務。另外,市場都估計港交所同埋台灣證交所會對人民幣計價商品發行進行更多資訊交流,有機會落實離岸人民幣業務合作。

不過,近期香港同台灣之間因為坑渠油搞到周身蟻,呢個時候推滬港通,對港交所隊伍都係一個考驗。

第一手消息請下載on.cc東網iPhone/iPad/Android/Windows Phone Apps