青山道有舊樓平台滿布搭建物，屋宇署證實屬違規僭建。
「我投訴咗好多次，但啲僭建物到依家都未拆，嗰度真係好危險，本身幢樓已經好舊，個僭建物又溶溶爛爛，一陣打風吹落嚟真係會死得人！」家住長沙灣青山道的陸女士表示，多年前已向屋宇署舉報附近有舊樓平台僭建，擔心過於殘舊而令結構不穩，惟至今仍未見清拆。
屋宇署發言人證實上址平台有僭建物，將按序向平台僭建物業主發出清拆令，並已先發信予有關業主，要求盡早自行安排清拆。至於上址平台僭建物的舉報統計數字，發言人則指當局未有紀錄。
「連幾多人投訴都冇做統計，屋宇署做嘢咁兒戲，唔怪之得啲投訴跟進咁耐都冇進展啦！」陸女士不滿屋宇署無法提供基本統計數字，有漠視市民投訴之嫌，要求當局檢討，以示打擊市區僭建的決心。
