活在香港特區，少點獨立思考力，只齋聽那群劣質低等嘅老左土共反智弱能的言論，一定以為呢度仲弊過北韓嘅瘋人院。
尋日，《城市論壇》，請來講者談「中學生罷課」，佢說話極之誇張，曾不斷用「吸毒」和「黑社會」比喻學生罷課的！現又以「核彈」來形容「佔中」的破壞力，並將「學生罷課」和「佔中」兩件情況和程度皆不相同的「個案」，綑作一談，唔知佢精神錯亂吖？定係立心不良，混淆視聽。
好想知呢位講者讀乜嘢「詩篇」大的！佢話「罷課」係破壞學校常規，一經破壞，就好難重建喎！吓！全球各國名校，有邊間無罷過課？依家，點解未執笠？Even大陸的「北大」、「清華」在「五四」至「六四」，每每在國難當前，哪一次，不是有學生站出來保家衞國的呢？
後來，台下觀眾指摘佢設立「舉報罷課熱線」，大搞文革式白色恐怖時，佢竟答話「唔係教聯會」成立熱線的，喂！你係用「教聯會」身份代表，加入那個「反佔中大聯盟」，推行「恐怖熱線」o架！並且仲係唯一有「教育」背景的「大聯盟執委」呀！還敢用偽語抵賴？想做官定選下屆特首？
另一件出席《論壇》的中學校長更騎呢地說「香港的罷課會害親（佢嘅）祖國」，佢話，如果上邊廣州、上海啲學生學香港咁爭取民主，（佢嘅）祖國會好亂喎！
真好笑，全國人民都要學你咁奴性，等人餵乜食乜，咁先叫「愛國」？乜唔係全國各地各組織都應有公平公正公開、一人一票選舉的嗎？
唉！既然香港呢個「政改框架」的決定，有如梁愛詩所講，中央唔會受任何威嚇而有所改變的，咁仲使乜有啲九流劣質嘅庸廢奴才幫腔，令中央出醜呢？
彭志銘
次文化考古學家，對城中潮語有深入研究，博徵博引，廢官廢人行埋一邊。
歡迎add我facebook一齊(目及)實政府
第一手消息請下載on.cc東網
