罷課就殺到，教育局局長吳得掂卻放假去，難為下屬要幫佢頂。李衞得知，當然去搵吳得掂傾傾。
李衞︰出大事你先嚟放假？
吳得掂︰避避風頭嘛。
李衞︰身為局長，竟然講啲咁嘅嘢？
吳得掂︰你誤會喇，我喺度可能就會有人向我示威，隨時爆發衝突；我唔喺香港，就無咗示威對象啦！
李衞︰卸膊仲諸多狡辯！
吳得掂︰好啦，最多遇事我就銷假現身。
李衞︰遇咩事先會銷假呢？
吳得掂︰當然係「無事」我先會考慮銷假啦。
李衞︰@#$%^&&**
