楊章桂芝鍾情物業投資，近期睇好日本嘅磚頭。
本港樓市雖然有雙辣招，但入市者依然不絕，新華旅遊董事總經理楊章桂芝日前出席活動，講起買樓投資，佢都舉晒手支持，仲透露一條異地買物業嘅投資之道。
楊太係投資高手，早喺七十年代已買入物業，賺到人生第一桶金，咁多年來，佢不斷買賣寫字樓同商舖，身家三級跳，依家香港嘅物業價格咁昂貴，佢點揀呢？佢話，近日吼實日本東京嘅物業，貪當地樓價平，收租回報好吸引。又係喎，當地樓價相比以前平咗，近排仲連匯價都跌咗好多，香港過去買樓，真係好似內地人攞人民幣嚟香港消費咁，匯價都賺埋。
置業為佢帶來財富，佢亦不時向年輕人灌輸致富之道：「我經常勸員工，就算無錢買磚頭，都要買車位。單靠加人工致富，試問加得幾多？」
第一手消息請下載on.cc東網
