【本報訊】被人謔稱「黑龍」的觀塘線高架天橋，多年來維修保養欠妥為人詬病，除本報早前揭露橋身石屎鬆脫外，天橋本身去水系統欠佳，逢雨季便滲水，污水不但影響天橋外觀及滴濕地面行人，同時亦令天橋的部件生銹，或影響結構安全。
巡察觀塘線橋墩時，發現沿線超過十個橋墩滿布銹迹，部分更有「裂紋狀」鐵銹，令人擔心橋躉結構安全，其中九龍灣站至牛頭角站一個橋躉四面均生銹到「啡啡黃黃」，幾乎全個橋躉均被銹迹包圍。
有工程人士指出，橋身與橋墩間裝有俗稱「啤鈴」軸承以承托橋身，容許橋身因溫度變化或風向等外來力量時伸縮移動。這些啤鈴含有金屬部件，如果橋身長期滲水便會生銹，污水向下流亦令橋墩滿布銹迹。「呢個明顯係保養唔好嘅問題，啤鈴生銹可能影響佢承托力，有需要詳細檢查！」
觀塘區議員陳華裕亦謂，每逢下雨後港鐵的天橋不同位置便滴水，污水沾濕在行人路上經過的市民，每次均要向港鐵投訴後才稍有改善，希望港鐵加強保養，改善去水系統。
第一手消息請下載on.cc東網
