衞生署署長儀儀行街，見到一大堆市民喺度排隊，有市民一見到儀儀就好嬲咁同佢講「好痛」，睇吓發生乜事。
市民：好痛呀、好痛呀。
儀儀：痛？有咩幫到你？
市民：隻牙好痛……
儀儀：牙痛要睇牙醫，你咪排緊隊囉！
市民：弊在啲籌有限額，我排咗幾次都未攞到呀！
儀儀：資源有限，籌就限定咗，惟有落力啲排啦！
市民：最衰都係你，牙科服務不足，係咪想痛死人先增加資源？
儀儀：唔係得你痛，我都好痛o架……
市民：你又有牙痛？
儀儀：係心痛呀，咁多人排隊睇牙，我啲同事多嘢做到有氣冇碇抖，戥佢哋心痛！
第一手消息請下載on.cc東網李衛
- on.cc 東方互動主頁
- 3月22日 (六)
