黃浩銘（左）尋日摷番七年前嘅校服，「緊迫」上陣，去中學母校宣傳罷課。（互聯網圖片）
學生團體喺院校同學生間發動罷課，學民思潮尋日仲落中學區派單張宣傳添，社民連副主席黃浩銘尋日都出咗同一招，仲以「校服誘惑」迎戰學民，實行搶生意喎。
阿銘尋日以一身陳年超緊身校服，同社民連實習生去佢母校沙田培英中學派單張，佢哋跟住將合照上載到社交網站，雖然阿銘條褲褲頭係緊咗啲，但二十五歲嘅佢，拍埋班學生哥度，年紀都好似冇乜太大分別，連學民思潮發言人周庭都留言話阿銘嗰樣後生咗好多。
阿銘就自爆校服歷史，佢話估唔到七年前套校服仲着得落，仲強調話雖然已經離開母校多年，但今次落區，都希望同師弟妹拉近距離，仲講明佢哋嘅行動唔代表母校立場喎！
第一手消息請下載on.cc東網
