無視警告 業主霸後巷建舖
有業主佔用後巷僭建店舖，視屋宇署警告如無物！「挨正喺間地舖隔籬僭建，又帳篷又鐵閘，成條後巷畀佢霸咗，行過唔細心睇都唔知係僭建！」梁先生經常行經屯門石排頭路，早已留意到其中一間舖位的建築物或不合規格，細看下更發現該店霸佔後巷建成，完全阻塞行人通道。
石排頭路一條後巷被僭建店舖，通道受阻。（讀者提供）
屋宇署發言人指，根據紀錄，上址天井有僭建物，該署已按當時對僭建物的執法政策及《建築物條例》規定，向業主發出警告通知，並將警告交土地註冊處「釘契」，警告通知只會在業主清拆違建物後，方予以註銷。發言人指，將按現行處理僭建物的執法政策，按序向業主發出清拆令，並已發信予上址業主，要求自行清拆僭建物。
「我早排經過發現間舖到依家未拆，都唔知屋宇署點搞，仲話係跟進僭建物嘅部門，效率咁低，如果等佢開飯真係大鑊！」梁先生不滿屋宇署跟進緩慢，變相縱容僭建物業主，要求盡快跟進清拆令。
