專上學生團體發動大專學生罷課，但以中學生為目標嘅團體都學人搞埋一份，結果遭到多個團體猛烈批評，尋日聖公會等辦學團體都明確表態，話明學生如果唔返學，必須有家長簽字承擔缺席的責任，有業界人士就話，早前教育局局長吳克儉話「反對中學生罷課，學校可按一貫機制處理」嘅回應，相比之下就顯得小學雞兼無料到喇，或者吳得掂都有自知之明，見佢回應大學生罷課時一句「大躍進」，嚇到網民都鬧佢冇歷史常識，依家講少啲，咪錯少啲囉。
