台灣揭發有油商使用劣質油甚至坑渠油後，港府負責食物安全嘅幾個高官都潛咗水，連日來風波愈捲愈大，更追蹤到香港有油商涉將飼料油當食用油出口，搞到香港嘅出口豬油都被台封殺。但港府方面卻一直只得食物安全中心顧問醫生何玉賢一官擋油，顧得呢頭，唔顧得嗰頭，結果追蹤問題食油嘅去向慢吞吞，香港更被質疑係劣質油基地，依家問題油風波仍在繼續擴大，何玉賢仲擋得幾耐呢？
