美國駐港總領事夏千福尋日下晝突然現身北角廉署總部，當時仲有廉署職員上前招呼佢，唔通有大案發生？

夏千福（左二）同兩名着西裝嘅美國官員現身北角廉署總部。

下晝三點幾時，廉署外突然有一架黑色房車駛入，然後見到幾位稀客落車，其中一位就係夏千福，同行仲有一位外籍人士同一位華人。三人一落車就有廉署職員笑笑口接待，大家有傾有講好似好老友咁。之後大約過咗四十五分鐘，三人又笑笑口咁行出嚟，夏千福入廉署搞乜？難道要佢協助調查，定係傾吓近日啲敏感問題？

廉署回覆查詢時話，夏千福係陪同訪港嘅美國官員同廉政專員作禮節性會晤，仲話廉署不時有各地人員到訪，交流反貪心得喎。唔知夏千福同廉政專員交流時，有冇講到近期啲敏感案件呢？

第一手消息請下載on.cc東網iPhone/iPad/Android/Windows Phone Apps