愛港之聲高達斌卻好不幸,食白飯都咬崩牙,食力受損,係咪有啲不可思議呢?不過,若知道當事人不便之餘,仲要花十幾萬嚟救亡,係咪覺得好慘呢?

高達斌作為主事人,梗係唔少得發言,結果被發現棚門牙甩晒。

尋日愛港之聲有個活動,高達斌作為主事人,梗係唔少得發言,結果被發現棚門牙甩晒,細問下先知佢去年喺餐廳食飯時,碗飯入面竟暗藏欖核,佢一唔小心就咬親下顎前排牙齒。開頭只係一隻牙鬆鬆哋,點知甩咗第一隻後就好似火燒連環船咁,四隻都甩埋。冇牙真係大件事,所以高達斌都急急救亡。

最近佢打算鑲番四隻牙,但牙醫話佢嘅牙床太低,要墊高先可以鑲,一搞就搞咗成幾個月,預料下個月佢就可以正式鑲番四隻牙喇。

第一手消息請下載on.cc東網iPhone/iPad/Android/Windows Phone Apps