近排日圓跌咗唔少，心郁郁去日本旅行嘅人唔少，永隆銀行助理總經理鍾少權（Derek）就忍唔住入咗啲Yen，為九月底去沖繩自駕遊儲定彈藥。
雖然匯價有着數，但佢就呻，Yen跌咗，但當地酒店都調高咗價錢，所以計落住宿費無平到。Derek仲查過，沖繩九月底二十度左右，希望仲可以落水玩。點解暑假完咗先打算去日本玩？Derek話，之前金管局不斷要銀行做壓力測試，自己部門又要衝目標，邊敢行開去旅行呀。依家，業績表現唔錯，佢都飲得杯落，所以咪趁月底「半公半私」，去日本撐公司活動之餘，順便叉吓電囉。
第一手消息請下載on.cc東網
- on.cc 東方互動主頁
- 3月23日 (日)
