城規開會礙正職 委員嗌「攞命!」
【本報訊】今次城市規劃委員會破天荒要加開四十天申述會議,聽取公眾對新界東北發展的意見,由於大部分城規會委員均為專業人士,例如投資顧問、工程師、醫生及教授等正職,「秒秒鐘上落幾十萬」,大幅加開會議,難免對原崗位造成壓力,有城規會委員形容有關申述會「好攞命」,坦言要「成三個月唔返工有壓力」,但承諾會盡量抽時間出席會議。
城規會委員雷賢達被譽為基金之父,是交銀施羅德投資管理(香港)副董事長,說有責任出席城規會會議,但本身也有正職,「唔係乜嘢都唔使做,大家應用合情合理的方式去處理」,他自言未必會出席所有四十日申述會,幸好城規會會議法定人數只為五人,當中包括主席,而城規會委員有三十多人,相信因為人數不足而流會的機會甚低。
恐遇拉布再延長
本身是泛亞環境(國際)有限公司董事長的城規會委員劉興達承認,加開會議耗時太長,沒可能出席全部會議聽取申述,「城規會秘書處話除咗星期五例會之外,每個星期要加開至少兩至三日會議,咁即係差唔多成個星期唔使返工,要成三個月,好多委員都有困難,而家仲度緊時間,有啲工作上緊要嘅會議一定要開,無得唔去,但都希望可以盡量抽到時間去申述會議」,他又希望申述會議不要拖得太長,整個申述程序可於聖誕節,或新年前完成,「如果唔係聖誕都無得放!」
城規會另一委員邱榮光本身擔任環保顧問,他亦坦言無可能出席全部的申述會,「大家需要夾吓時間,亦都希望出席會議嘅團體或者市民唔好拉布,因為大家嘅時間都非常寶貴!」但邱榮光相信有團體會拉布,三個月的申述時間或會再延長。