違泊霸站 巴士焗停馬路
「呢度明明係巴士站，但依家就變咗做落貨區、停車場，我哋啲乘客危險就唔在講，啲巴士冇得埋站，焗住要喺馬路無啦啦停低，分分鐘會釀成車禍！」於中環工作的何先生指出，干諾道中農業銀行總行對出巴士站時有車輛違例停泊，影響市民安全，「有時仲要泊正喺個站頭，簡直係視交通規則為無物！」
干諾道中時有車輛於巴士站違例停泊，被指有礙市民安全。
盼警加強執法阻嚇
警方發言人承認，由去年七月至今年六月總共接獲十五宗相關投訴，除因應投訴派員處理外，亦有部署檢控行動，期間共向違例車輛發出一百四十七張交通違例定額罰款通知書。發言人承諾，將繼續留意涉事路段情況，有需要時採取行動。
何先生證實，經轉介後問題已有改善，但仍擔心未幾即打回原形，「希望警方做多咗嘢之後，啲違例司機真係會知驚，唔好再霸住個巴士站，自動自覺去番停車場泊車。」
