啟德郵輪碼頭第二泊位本月底啟用，碼頭將首次有兩艘郵輪同時停泊，屆時逾五千旅客有機會同時「逼車」離開碼頭，但碼頭配套未做好，隨時令千人等的士事件重演，李衞就搵商經局局長樑樑問吓點搞。

李衞：勢再逼爆郵輪碼頭啦，點搞呀？

樑樑：冇事嘅、冇事嘅。

李衞：交通配套咁差，仲話冇事？

樑樑：唔使驚，等吓車是常識吧，況且我哋有穿梭巴士提供，幫助紓緩人流。

李衞：咁需要好多架旅巴，你哋夠唔夠車o架，萬一又丟人現眼，唔好話我冇提醒過你！

樑樑：我知喇，今次真係多得你咯！

李衞：咁仲唔即刻諗計仔改善？

樑樑：穿梭巴士咪係上上策，而我亦準備提早龜縮，費事丟人現眼！

李衞：咁咪盞畀人「丟」……

樑樑：^*%$#$@*!!!

第一手消息請下載on.cc東網iPhone/iPad/Android/Windows Phone Apps