城中鏡：「獵人」楊哲安教路 管理人才應外闖
近年香港嘅競爭力不斷下降，前景令人憂慮。投身獵頭公司擔任執董嘅教育局前政治助理Jeremy楊哲安就寄語高層管理人放低包袱，衝出香港博一鋪。做得「獵人」多，Jeremy睇住唔少打工仔在職場平步青雲，但更多人嘅事業到咗「樽頸位」，往往「高不成低不就」。
楊哲安鼓勵管理人才投身海外工作，博一博以提升身價。（資料圖片）
Jeremy話香港人嘅語言能力強，夠拚搏，上位好易，但係講到要坐正跨國大企業嘅阿頭位，就行人止步。有見及此，佢建議管理人才將搵工大門打開，衝出香港，到內地或其他國家工作，好似中東唔少地方近年就頻頻向香港工程界專才招手，幫手到當地大興土木。流洋工作後，唔少人身價當堂三級跳。
做過官員嘅Jeremy，三句不離老本行。佢認為香港有條件成為亞洲最大嘅人才輸出庫，但大前提係，要加強培養香港學生的國際視野，例如，增加出外交流學習或培訓。呢番分析，大家係咪認為值得深思呢？
