模特兒Ankie貝安琪早前抽空去咗美國洛杉磯旅行，仲同將會喺明春出嫁嘅名模好友Rosemary到處觀光。貝安琪話：「因為Rosemary咁啱都去咗美國旅行，所以我哋約埋一齊去玩。我哋去咗荷里活星光大道睇掌印，又見到瑪麗蓮夢露嘅雕塑，玩得好開心！」咁有冇陪Rosemary去睇婚紗呀？佢就話：「因為我哋只係得一日見面，所以都淨係把握時間去玩咋。」

貝安琪（右）早前到洛杉磯旅行，同好友Rosemary去荷里活星光大道睇掌印。

Ankie見到瑪麗蓮夢露嘅雕塑，玩得好開心。

Ankie（左）探望咗家族好友，透露對方下年開戲搵佢演出。

另外，Ankie喺餘下嘅時間探望好友，到處遊山玩水。Ankie透露對方亦係出身於演藝世家，所以大家交流咗唔少工作上嘅心得。佢又話：「佢（好友）依家寫緊劇本，打算下年開戲，佢已經搵定我演出。好朋友叫到，我梗係唔會托手（月爭）啦！好期待同佢合作！」

第一手消息請下載on.cc東網iPhone/iPad/Android/Windows Phone Apps