平日都係見到港大醫學院外科學系系主任盧寵茂着住醫生袍開記者會，但早幾日「迎月」就見到一身輕便裝束嘅佢同太太喺中環ifc商場行街拍拖，期間入咗一間電子產品嘅店舖，原來佢哋想買一個無線藍芽喇叭放喺屋企播歌用。不過，見佢哋同店員傾咗幾句之後，似乎冇嘢揀啱，再睇咗一陣之後就轉身離開喇！

店員（中）向盧寵茂（左）同太太（右）推介唔同顏色嘅藍芽喇叭。

一心諗住買白色嘅藍芽喇叭，可惜冇貨，惟有睇吓有冇其他嘢啱買。

盧寵茂夫婦放假一齊拍拖行街減壓。

身為「肝臟權威」嘅盧寵茂，對於處理平日工作壓力及繁忙緊張嘅情緒，除咗放假時陪太太行街外，佢話會經常喺屋企聽音樂當作休息，紓緩兼放鬆一下心情。當日佢就正正想搵一個藍芽喇叭，方便喺屋企聽歌用。不過，點解要用藍芽呢？

露台聽歌 隨意移動

盧醫生解釋，因為家中有一個露台，有時佢想坐喺露台聽歌嘅話，用傳統喇叭就要重新拉線，好唔方便。藍芽喇叭就可以隨意移動，無拘無束。只要連接到智能電話，就可以鍾意拎去邊度聽歌都得啦！如果放喺露台，一旦落起雨上嚟，可以立即將個喇叭收番入屋，唔使驚整濕喎！

不過，見盧醫生同太太企喺店內左揀右揀，最後都係買唔成，主要係顏色揀唔啱。唔知係咪因為做醫生對慣咗白色，所以對白色特別情有獨鍾，可惜白色冇晒貨，店員有推介過其他顏色畀佢哋，所以佢哋決定遲啲先至再睇過喇！

第一手消息請下載on.cc東網iPhone/iPad/Android/Windows Phone Apps