全國政協常委陳永棋經常都出席公開活動評論香港事務，但尋日佢出席一個講及「一國兩制」及愛國者治港嘅研討會時就提早離開。

陳永棋出席活動後急住離開，原來因為腳痛趕住去睇醫生。

霍啟剛喺研討會上發言，陳永棋大讚佢普通話靈光。

一眾記者叫佢回應吓政改時，佢就話要打電話叫咗司機嚟接佢先至再講。究竟點解佢咁急住離開呢？原來佢因為腳痛，約咗時間睇醫生，臨走前佢仲指住自己隻腳，自嘲係跛腳鴨。

講番個研討會，陳永棋就大讚香港青年聯會主席霍啟剛的普通話靈光，好過佢爺爺霍英東同爸爸霍震霆喎！

第一手消息請下載on.cc東網iPhone/iPad/Android/Windows Phone Apps