政壇：廉航紛攻港遊埠有得揀
香港航空以「雙幣雙股」方式準備喺香港上市，一時之間廉航喺香港好熱鬧。唔止咁，原來來自日本嘅廉航香草航空（Vanilla Air），會喺十一月開辦香港至日本東京（成田機場）航線。鍾意廉航嘅朋友們有福了，投資、玩樂各取所需喇！
香草航空成立咗三年幾，由全日空（ANA）全資持有。全日空同香港商人諸立力，之前已成立廉航樂桃（Peach）航空，有趣嘅係，兩家廉航都用食品做公司名——Vanilla同Peach，反映全日空口味好一致。其實依家廉航愈嚟愈普遍，主流航空公司都會整番間廉航公司，好似東方航空咁，旗下中國聯合航空，正式轉型為廉價航空。老實講，廉航愈多愈好，競爭多自然飛機票價有得平，呢排加埋日圓勁跌，係時候攞假遊埠shopping喇！
