話說「保普選反佔中大聯盟」日前開記者會，話會就舉報學生罷課設立電話熱線，即時惹起爭議，大聯盟發起人陳勇尋日就為電話熱線解畫，仲以本身係兩個子女嘅家長身份「動之以情」，話「自己生痱滋自己先知道痛，自己小朋友自己先會愛錫」，學校搞旅行都要家長簽名同意啦，何況係罷課呢？陳勇呢句說話真係萬能Key金句，「自己××自己先××」，其實都可以話「自己有香港腳自己先知道痕」，唔知會唔會有人覺得佢講緊廢話呢？

陳勇以家長身份「動之以情」，為電話熱線解畫。（受訪者提供）

第一手消息請下載on.cc東網iPhone/iPad/Android/Windows Phone Apps