雖然全體二十七名泛民主派立法會議員，都已表明唔會支持根據全國人大常委會框架制訂嘅政改方案，但多名白鴿黨同多名屬溫和派嘅功能界別泛民議員，仍被各界視為「仲有得傾」、「有彎轉」，當中包括會計界嘅梁繼昌、教育界嘅葉建源同衞生服務界嘅李國麟。

梁繼昌

三人尋日接受電台訪問時，就再次表明人大決定好難啃，除非特區政府推翻人大決定，推出一個無不合理篩選嘅方案，否則佢哋一定會投反對票喎。不過，政治嘅嘢一日都嫌長，未到真正表決嗰一刻，大家對有關說法都係「聽住先」、「信住先」好嘞！

第一手消息請下載on.cc東網iPhone/iPad/Android/Windows Phone Apps