第四屆維港渡海泳將於下月舉行，今屆參賽嘅立法會議員就有顯著變化，上屆一共有五位立法會議員報名參加優悠組賽事，包括鍾國斌（Felix）、吳亮星（星爺）、馬逢國、梁繼昌（Kenneth）及胡志偉。據聞，今屆只剩馬逢國、Kenneth同胡志偉三人獨力奮戰，至於Felix同星爺，就因為公事而唔參加今年賽事。

設計圖片

Felix在去年賽事中以不足三十八分鐘游畢全程，被冠以「立法會飛魚」美譽。不過，呢條飛魚就因為要飛去外國傾生意，搞到無得參加今年賽事，佢都覺得好可惜。星爺就因為比賽日子貼近港區人大考察團而決定唔參加，話自己平時都有喺泳池練水，無得參加都唔會覺得遺憾。

由於今年大會規定參加優悠組賽事嘅泳手必須穿着救生衣，Kenneth透露自己因為唔想變「烏龜」而決定參加計時賽事，同繼續參加優悠組嘅馬逢國同胡志偉分道揚鑣。雖然馬逢國同胡志偉去年無乜點練水就去比賽，但佢哋話今年照舊唔得閒練水，相信唔練水都唔會有事喎。

第一手消息請下載on.cc東網iPhone/iPad/Android/Windows Phone Apps