陳其志同小朋友一齊放完暑假先返新工。（資料圖片）
早前離開咗滙豐輪枱嘅Keith陳其志，最近終於證實有新動向喇，就係加盟法興，相信好快又會見到Keith推輪時嘅風采。
收到風話Keith已喺九月三號返新工，擔任法興證券上市產品銷售主管，繼續專注窩輪同埋牛熊證業務，過多一、兩個禮拜就可正式用新title同大家見面。
離開滙豐後，Keith提過咁啱撞正兩個分別三歲同五歲嘅小朋友放暑假，可以把握機會一家大細去旅行，培養親子感情。結果佢哋一家去英國玩咗兩個禮拜，羨煞旁人，睇嚟Keith已經叉足電，準備迎接新工嘅挑戰。
Keith加盟後，據悉法興證券環球股票產品部董事Edmond李錦將會做多啲同內地衍生產品相關嘅工作，以配合公司嘅發展，難怪Edmond近排頻頻返內地出差啦！
第一手消息請下載on.cc東網
