麥美娟暫時唔去日本玩，早前改到清遠旅行。（資料圖片）
工聯會嘅立法會議員Alice麥美娟上任兩年，形象都算幾正面，但原來有苦自己知。好似前年發生釣魚島主權爭議時，佢曾要求政府向日本發出黑色旅遊警示以示制裁，結果引起軒然大波，但事隔兩年，為免畀人「點相」招話柄，佢寧願堅持唔去日本。
除咗唔知幾時先可以解除去日本嘅禁令，Alice連麥當勞（麥記）都暫時唔敢食。事關佢身兼立法會食物安全及環境衞生事務委員會成員，早前佢喺問題食品上炮轟過麥記處理不當，但即使過咗個幾月，佢都唔敢再踏足麥記，費事被市民捉到正，話佢邊鬧邊食喎！如果將來再有餐廳捲入食品醜聞，佢咪冇啖好食？
Alice仲話上任後連打麻雀呢類聯誼活動都唔敢選址酒樓鵲局，要「麻雀腳」陪佢返屋企先敢開枱打幾圈。不過，「食得鹹魚抵得渴」，入得議會都預咗啦！
第一手消息請下載on.cc東網
