招認有預謀虐畜衰硬！
【本報訊】洗衣機虐狗事件在網上各大熱門討論區瘋傳，網民直指他行為可怕，恐會危害市民人身安全：「呢個人已經唔可以用變態形容，佢有極強嘅謀殺傾向！」又有網民指：「有研究顯示，這樣對待動物的人，是沒有同理心，對人亦會一樣冷血。」有網民坦言：「希望唔好只係罰錢，用錢解決到嘅話只會變本加厲。」
洗狗男對網民起底的「寸嘴」回應。（互聯網圖片）
執業大律師陸偉雄指倘涉案男子只上傳相片，可向警方辯稱：「唔小心跌咗落去」警方不能抹殺意外的可能性，未必有足夠證據落案起訴。即使他被控告虐畜，仍可向法官求情稱：「我年少無知，唔知咁嚴重！」法官或會從輕發落。
然而，他曾在網上留言稱：「第二次洗時，拿出來五分鐘就意外死咗。」自行招認不為人知的秘密，亦證明他曾多次試圖將活生生的狗隻弄死，其行為早有預謀：「咁即係專登嘅，冷血嘅，冇得求情，冇減刑理據。」一般虐畜個案，刑期可由數個月至二十多個月，而法官會以冷血作判刑準則之一。一旦上述個案屬實，或被重判入獄二十多個月。
