官立同資助小學有關明年小一自行派位嘅程序即將展開，最新嘅資料顯示，本地適齡同跨境學童估計突破六萬三千人大關，缺額有一萬五千個，呢種學額不足嘅情況年復年發生，搞到家長同學生周圍撲位，怨聲載道。教育局局長吳克儉冇吸取舊年跨境學童湧港，令派位大混亂嘅教訓，喺制訂小一校網前，又冇先評估各區供求情況，最終搞到亂上加亂，認真吳得掂。
