土瓜灣：電單車店違泊 阻礙行人路
土瓜灣有電單車店疑佔用店外行人路，擺放電單車出售及維修，「日日經過呢度，都見到間車行門口泊滿晒電單車，啲人冇路行惟有行出馬路，有時佢哋仲會喺行人路度洗車添，搞到成地濕晒。」居於土瓜灣靠背壟道的陳先生（化名）不滿警方不執法，導致情況不斷惡化。
靠背壟道有電單車行被指霸佔行人路擺放電單車，更在行人路洗車。
警方發言人表示，紅磡分區一直關注區內交通情況，因應投訴，已加強前線人員在上址巡邏和執法。今年首六個月，曾接獲三十二宗涉及上址的違泊投訴，並發出約三百五十張定額罰款通知書，當中涉及七輛違泊電單車。發言人承諾會繼續密切監察上址情況和採取適當的執法行動。
「依家冇再見到有人喺度洗車，亦少咗電單車泊喺行人路。」陳先生希望警方繼續巡邏及執法，以免違泊情況故態復萌。
