盧偉國（左三）喺港鐵香港站彈奏琵琶，吸引唔少途人觀賞。
除咗玩樂器耍家外，立法會工程界議員WK盧偉國仲不時四出表演娛樂大家。WK尋日就喺放工時間去咗港鐵香港站，與多名工程師合作演奏音樂。今次WK出動琵琶，兩位港鐵工程師杜朗賢同黎栢樺就分別負責拉小提琴同大阮部分，而港鐵副總監劉天成就演奏二胡，另兩名工程師則分別主責洞簫及笙，眾人演出為繁忙及川流不息嘅港鐵站帶來輕鬆嘅氣氛。
立法會下月初復會，除要處理三堆一爐外，仲要審議創新及科技局決議案同撥款申請。雖然業界一直希望盡快成立創科局，但WK對此不感樂觀，事關人民力量陳志全同陳偉業就決議案合共提出三十二項「拉布式」修正案，加上佢哋仲可以喺財務委員會臨時提出多項修正案，所以估計新局無望喺今年內成立，惟有寄望兩人盡快放棄「拉布」。
第一手消息請下載on.cc東網
