SUN搞作：少膽虫手記：丁數找唔清
「少膽虫，找丁數！」淫賤黎呼喊。少膽虫一向儼如淫賤黎嘅太監，唯唯諾諾，估唔到今日終於要……少膽虫手起刀落，一刀、兩刀、三刀，白光之下，「呀」一聲，一箱出前一丁應聲而開，「腦細，呢度三十包，還住畀你先。」淫賤黎拎住箱麵，笑住返房。
回想之前，少膽虫後悔莫及。
「好肚餓！」少膽虫嚷道。呢個時候，一包出前一丁喺少膽虫面前閃過，「畀你食喇！」少膽虫一望，原來係淫賤黎，「腦細出名孤寒，實有古怪。」猶豫之際，淫賤黎再開口，「有得食，真係唔食？」少膽虫一手搶麵，袋入袋中。「有得食，梗係食。」淫賤黎笑謂。少膽虫大快朵頤後，淫賤黎又行過嚟，「少膽虫，有借有還，你差我六十包麵。」少膽虫長嘆，「袋住先，爭住要，伏已中。」
少膽虫告誡大家︰「袋住先都要睇人，如果唔係好似少膽虫咁，丁數幾多都還唔清，更何況嗰個係淫賤黎！」
