城中鏡：黃芷晴自創品牌賣首飾
城中愈來愈多星二代活躍各種場合，尋日就見到黃芷晴（黃日華女兒）出席一個美容活動，佢透露，近排忙於自家品牌嘅首飾設計工作，依家喺網上銷售，下一個目標係開自己嘅舖。
黃芷晴透露忙於自己品牌嘅設計工作，希望稍後可以開舖。
生意不俗夠開舖
黃芷晴話：「之後會同人Crossover搞Project。」問佢家吓品牌生意點樣，夠唔夠開舖？佢就好自信咁話：「夠o架啦。」
之後，講到母親嘅健康狀況，佢就話媽媽現在仍要去醫院覆診：「不過佢身體冇咩事嘅！」早前，佢仲同媽咪去中環行街添。
