政壇：青奧睇劍擊 啟剛讚刺激
南京青年奧運會（青奧）啱啱結束，香港隊取得好成績，港隊代表團長霍啟剛話，其實青奧仲分分鐘刺激過奧運，因為運動員嘅技術水平不相伯仲，好多時都鬥得難分難解。
霍啟剛係今屆青奧香港代表團團長，今次出戰，令佢對劍擊產生好大興趣。
例如其中一場劍擊團體賽，港隊本來落後好多分，但後段靠技術同意志反勝，所以嗰場亦係佢個人認為最刺激同緊張嘅比賽。
既然劍擊比賽咁刺激，啟剛有無諗過叫囝囝大個後學劍擊呢？佢話運動呢樣嘢無得逼，最緊要由囝囝自己發揮。不過，當佢講到囝囝會否好似媽咪咁練習跳水，啟剛話香港地運動場館唔多，但練跳水嘅地方就有九龍公園同維園，都算好方便，似乎有得諗喎。
