SUN搞作：SUN官場現形記：姓賴
民政事務總署署長騰雞美華喺辦公室遊蕩，李衞咁啱撞到佢，就上前向佢打招呼，點知李衞一開聲，騰雞美華就唔鍾意，一齊睇吓發生乜事。
李衞：你個賴雞美華……
騰雞美華：咩呀？你講錯我個名。
李衞：冇呀，你姓賴，我冇叫錯喎！
騰雞美華：做咩話我姓賴？我做錯啲咩？
李衞：你喺署長呢個位坐咗三年又三年，坐足十一年，畀人話你賴死唔走呀，仲唔係姓賴？
騰雞美華：咩呀，我一直都盡忠職守，十一年嚟都做好呢份工o架！
李衞：咁你有咩貢獻？最犀利咪翻閹兩位退休嘅人，仲幫人度身訂造職位添！
騰雞美華：殊，唔好咁大聲啦……
騰雞美華一路講一路愈走愈遠。
李衞：你終於識走啦咩？唔使「賴死喺度嘅」。
