香港大學尋日舉行開學禮，有不少家長陪同子女到校，並拍照留念。
香港大學尋日喺百周年校園大會堂舉行新生入學禮，三千五百名新生參與，仲有好多「跟得家長」陪仔女上大學，部分人更遠道由內地或台灣來港。
馬斐森
新任校長馬斐森主持新生入學儀式，由於典禮只供學生參與，「跟得家長」們只能夠喺大會堂外等候，部分家長手持相機為即將進場嘅仔女拍照留念。
家長謝先生同參與開學禮嘅女兒一同到港大，希望借機會了解女兒嘅大學生活；而家長群中，唔少人嚟自內地同台灣，來自台灣的許女士指兒子好少離開台灣，故特意陪兒子來港，了解港大嘅學習文化；居於深圳龍崗嘅港媽就花上三小時跨境來港見證女兒嘅開學禮，佢希望了解港大並參觀校園環境同設施喎。
第一手消息請下載on.cc東網
