龔因心（左）同龔中心臂力驚人，拗手瓜贏晒。（受訪者提供）
全城潮玩「冰桶挑戰」，尋日華懋集團主席龔仁心同兩位家姐，包括華懋執行董事兼市場部總監龔中心同董事龔因心，喺荃灣如心海景酒店同一班專欄作家食晚飯，期間就有人提議龔氏三姊弟接受冰桶挑戰，但龔中心就笑言，如果要佢淋冰水，不如先拗手瓜贏佢喎。
原來龔中心因心自小喺鄉下要負責去水井擔水供一家人飲用，因為水井深，佢哋要拉水桶條繩拉足四十幾下，先可以將個水桶拉上嚟，所以練成臂力驚人嘅絕技。不過，大家唔係好信，逐個同龔氏姊妹比試，點知真係冇人贏到佢哋，所以兩人唔係隨口噏o架！
第一手消息請下載on.cc東網
