香港特區境內，一隻唐狗被「港鐵列車」輾斃，不單引起本地港人聲討，內地傳媒（尤以官方報章）亦大肆評論，這是個乜嘢現象呢？做乜鬼大陸新聞界咁Q關注呢單嘢呢？內地強國人好有興趣Follow（跟進）「車死狗」呢啲小事咩？

《環球時報》以《九萬港人抗議流浪狗之死，是文明體現嗎？》為題，指「愛狗人士為一隻流浪狗之死鬧出這麼『大動靜』，是『小題大做』。」當然啦！喺烹狗「壯陽」嘅鬼國裏，一條狗命的價值，是按體重計，佢哋啲國民又點會理解「生命誠可貴」的道理！仲有，該文章最後點出，動物主義的評判標準是來自西方，所以，很難界定是否文明喎！嗱！終極說明要插西方的「國際標準」，不符合「中國國情」囉！並警告「狗粹主義」若在內地盛行，會造成巨大的成本和代價。

「狗粹主義」不是在內地已十分十分盛行的嗎？

我好討厭政治，在這次「車死狗」的慘劇，不想作任何政治討論，但實實在在有傳聞說，唐狗「未雪」被發現在路軌上時，本地的列車確實曾停下，讓員工落去拯救，但沒停車兼硬駛過的，卻是大陸南來的「直通車」，如果屬實，「未雪」之死，就係港鐵公司無法阻止「直通車」在港的「行駛權」也！這是經濟效益原因吖？或是政治呢？你話呢？

香港人真乖，即使好想救狗，只要被人喝叫Stand Behind The Yellow Line，便企後，眼定定剝花生；同時，又點解咁多人在場，都可以畀「一隻狗」大模廝樣單獨「入到閘」嘅呢？畀大陸直通車車瓜呢隻無經過篩選嘅「戇狗」，港人呱呱嘈，會造成大陸巨大代價嗎？

無權叫停大陸車，就真係乜狗都要死！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東網iPhone/iPad/Android/Windows Phone Apps