城中鏡：蔡崇信為阿里守得雲開

台灣出生嘅蔡崇信，十三歲就飄洋過海去美國讀中學，原來佢去美國前幾乎完全唔識英文，竟然喺短短嘅中學生涯裏面練得一口純正英文。當佢讀耶魯時，就係曲棍球場上嘅健將，連隊友戈登都大讚佢喺曲棍球場上好努力，係隊裏面「可靠嘅存在」。

雖然佢有各方面嘅才能，但絕唔會恃才傲物，相反非常低調謙虛。佢辭咗一份喺投資公司年薪七十萬美元嘅工，而大膽跳槽去當時只喺起步階段嘅阿里，接受只有六百美元嘅年薪。好彩依家阿里搞得有聲有色，喺美國嘅估值仲超過二千億，蔡崇信呢個「灰王子」都可以話係守得雲開見月明喇！

講開足球，之前阿里巴巴入股恒大嘅足球隊，家下正就引入另外二十個投資者嘅計劃嚴格篩選緊，恒大主席許家印尋日喺業績會上話：「我與馬雲亦招架唔住，多到唔知選邊家」，但問佢會唔會入股即將上市嘅阿里巴巴，佢話依家太敏感，唔回應喇。

許家印仲話喺依家中國正值改革時期，會有好多發展嘅機會，所以公司經過幾年嘅研究，對外宣布要走多元化嘅路線喎！