政壇：「理大秋官」煮咖啡醒傳媒

唐校長話喺六月份參加咗由理大教職員團體安排嘅台中咖啡旅遊，令佢大開眼界，學識咗唔少咖啡知識，煮咖啡嘅技術都精進咗唔少。佢笑言一直以為台中以出產靚茶聞名，原來當地亦有好濃厚嘅咖啡文化。

第二任期滿腹大計

今年初進入第二任校長任期嘅唐偉章又話有滿腹大計，包括大學全面落實四年制課程，未來會增加五百個研究生，建立中央研究設施；校方喺第六輪配對補助金計劃亦籌得三億八百萬元。

講到近日熱爆全城嘅冰桶挑戰，佢話活動有意義，但就想用其他活動代替，仲即席向在場記者下戰書，話要喺未來兩個月踩三次單車，但現場反應冷淡，搞到佢好無癮。