政壇：學民單張違例郵政拒寄
話說學民思潮印咗八萬份介紹公民提名同公民抗命理念嘅單張，擬郵寄畀全港十大屋苑，惟遭香港郵政拒絕。學民思潮擬趁全國人大常委會喺下周日（三十一日）決定政改框架前，向太古城、海怡半島、黃埔花園等中產屋苑郵遞單張宣傳其普選理念，但香港郵政昨回覆，單張上嘅問答部分第二至四條，違反《投寄條款及須知》第3.7條規定，即任何人不得投寄有違法、不道德或令人反感內容嘅單張。
話說學民思潮印咗八萬份介紹公民提名同公民抗命理念嘅單張，擬郵寄畀全港十大屋苑，惟遭香港郵政拒絕。
單張問答部分第二至四條，提及「沒有公民抗命，那有公民提名？」、「在唯勢所迫下，公民抗命就是唯一選擇」等。不過，學民思潮發言人黎汶洛認為須知中有關「違法、不道德、令人反感」定義唔清晰，又話香港郵政一直有為立法會議員同政黨派遞通函，質疑香港郵政對唔同政治立場嘅宣傳單張持唔同嘅審批準則。
黎又質疑，香港郵政嘅決定係政治打壓，佢又話學民思潮斥資十萬元印製呢批單張，唔會輕言放棄派遞「入屋」，佢哋正尋求律師意見，並擬向香港郵政提出上訴。
