港鐵通報慢九拍 東網在手乜都知

唔係太一叮賣花讚花香o架。話說尋日朝早七點左右，屯門青松觀附近一個斜坡，有棵十五米高大樹倒塌，咁啱壓中輕鐵電纜，搞到青松輕鐵站要封閉，多條輕鐵路線因而受阻近三個鐘，一度有乘客被困車廂內，好彩喺消防員協助疏散下冇人受傷，總算不幸中之大幸。

即係咁，港鐵事故頻頻，三日一小鑊，五日一大鑊，服務正常反而係大新聞，弊在港鐵次次善後措施搞到一鑊泡，今次亦係咁，由於遲遲未通報，唔少乘客搭到半路中途至知要轉搭接駁巴士，車站又逼滿晒人，搞到鬼咁狼狽；亦有乘客原本由將軍澳入屯門探朋友，點知遇上輕鐵事故，大失預算，總而言之就係七國咁亂係啦！

不過咁，正所謂有東網，唔使慌，呢，乘客薛先生就醒目嘞，佢話喎，由於手機安裝咗「東網港澳」app，輕鐵事故發生後已第一時間收到通知，反而佢喺輕鐵站月台聽唔到任何廣播，佢大感不滿之餘，不禁大讚東網好用。所以話啫，上東網保出入平安，真係冇誇張o架！

輕鐵出事，東網發布消息足足比港鐵快九拍，點解會咁？首先，係地球人都知道東網緊貼時事資訊，反應快如閃電就梗o架嘞；再講吖，港鐵出名有鋪隱瞞癮，大至高鐵工程延誤，固然係瞞得就瞞，賴得就賴，小至服務延誤，一樣係臭屎密冚，秘而不宣。好似今年五月一場黑雨，十幾班中港直通車要取消，港鐵竟然拖足五粒鐘至透過傳媒對外公布，可憐旅客喺車站白等成個下晝，真係多得佢唔少。

講開又講，東網在手，天下我有，最新最快最齊全嘅點止交通訊息吖，政治、經濟、文化、娛樂、生活，乜都快人一步，講到呢度，太一叮唔能夠唔提最近強化嘅「東網Money 18」。你知啦，市況瞬息萬變，知少啲知遲啲都好蝕底o架嘛，所以咯喎，「東網Money 18」app強化內容同版面，除咗即時報價，個別股份報價內容仲相應增加市值、發行股數、全年每股盈利等重要資訊，仲可以同「東網港澳」app嘅財經新聞直接互通添，唔怪得全城財俊一致like爆，大讚版面美觀，資料翔實，為用家投資帶來更大勝算喇！

始終都係嗰句，上東網，知天下。相信唔使太一叮提醒，各位咁精明咁識貨，肯定已經下載咗東網app啦，吓話。