SUN搞作：SUN官場現形記：官違法好小事
環境局局長星星閒逛，畀途人指指點點，星星唔忿氣，上前問吓究竟所為何事，誰不知就燃起一場舌戰。
途人︰嘩！咁out嘅……
星星︰邊度out，我好潮，食正韓風熱潮。
途人︰點睇你都唔似。
星星︰成個「星星頭」喺度，仲唔係食正《星星》熱？
途人︰……算喇，其實係講緊環保署，要學生簽生死狀先可參觀將軍澳堆填區，違反《管制免責條款條例》，咁都唔識得與時並進。
星星︰哦，小事一件，好快可以解決。
途人︰違法都叫小事？
星星︰將軍澳堆填區下年飽和，垃圾都塞唔落，仲點叫人逼入去參觀？
途人︰@#$%^&
