SUN搞作：SUN官場現形記：避得一時 避唔到一世
新灣仔碼頭即將啟用，不過仍問題多多，如在碼頭的食肆要至少半年後才通電，亦有人發現通往新碼頭的行人路狹窄，擔心未能消化繁忙時間使用碼頭的乘客量，李衞就去搵土木工程拓展署署長強強問點解。
李衞：條行人路咁窄，點解決繁忙時間使用碼頭的乘客量呀？
強強：唔使咁擔心，我相信足夠應付嘅！
李衞：行人路闊二點六米咋喎！
強強：夠啦、夠啦，啲人識得互相走避嘛！
李衞：你都識講互避啦，即係可能會造成意外！
強強：意外嘅嘢就控制唔到……其實邊有咁易出事！
李衞：有得整闊啲你又唔整，又話意外無得賴……
李衞隨即拎支棍打強強。
強強：哎呀！做乜打我……
李衞：咁你唔「避」呀嘛，我咪打囉，你教嘅！
強強：*%$@!#!!~!!
