政壇：鄭承隆拿手極速開榴槤
仁濟醫院前主席鄭承隆（Edwin）已經卸任年幾，前日佢卻突然趕返醫院董事局，有乜大事呢？睇真啲，原來係去做熟手技工。
Edwin話，依家用開信刀，閒閒哋十分鐘都開到十五個貓山王，佢仲特別將「戰績」上載社交網站。
Edwin呢日返去時，唔少昔日同事已經等緊佢埋位，枱面仲放咗把開信刀添，不過，唔係用嚟開信，而係為咗開榴槤啫。Edwin解檡，近幾年都會託果欄老友帶幾箱「貓山王」榴槤去醫院慰勞班同事，慢慢成為仁濟嘅獨特「習俗」，前日，佢就開咗三箱共十六個貓山王！開得多自然工多藝熟，Edwin話，依家用開信刀，閒閒哋十分鐘都開到十五個貓山王，佢仲特別將「戰績」上載社交網站，吸引唔少老友留言要求開心分享添！
